- स्तम्भ न्युज
खेम राज अधिकारी
२४ भदौ, काठमाडौं । हालैको जेनजी प्रदर्शनका क्रममा सुरक्षाकर्मीको दमनमा १९ जनाको ज्यान गएपछि मुलुकको राजनीति फेरि तनावपूर्ण बनेको छ। उक्त घटनापछि सत्तारुढ नेकपा एमाले र प्रमुख विपक्षी दल नेपाली कांग्रेसका युवा नेताहरूले पार्टी परित्याग गर्ने घोषणा गरेका छन्।
एमाले र कांग्रेस दुवै दलका केन्द्रीय स्तरका युवानेता र प्रदेश तहसम्मका संरचनामा रहेका कार्यकर्ताले पनि आफ्नो औपचारिक राजीनामासहित पार्टीसँग सम्बन्ध विच्छेद गर्ने निर्णय लिएको जनाएका छन्।
युवा नेताहरूले अब नयाँ राजनीतिक विकल्प निर्माण तर्फ अघि बढ्ने संकेत दिएका छन्। उनीहरूले “नयाँ पुस्ताको नेतृत्वमा आधारित स्वच्छ र जवाफदेही राजनीति” को आवश्यकता औंल्याउँदै दलहरूबीच वैकल्पिक शक्ति खडा गर्ने तयारी भइरहेको बताएका छन्।
Facebook Comments Box
