- स्तम्भ न्युज
खेम राज अधिकारी
काठमाडौं, भदौ २४। प्रधानमन्त्री केपी शर्मा ओलीको राजीनामा स्वीकृत भइसकेको संवेदनशील परिस्थितिमा हिजोदेखि देशभर भएका प्रदर्शनले ठूलो जनधनको क्षति पुर्याएको भन्दै नेपाल सरकारका उच्च अधिकारीहरूले संयमता अपनाउन र शान्तिपूर्ण समाधान खोज्न सबै पक्षलाई अपील गरेका छन्।
अपीलमा जनधनको क्षति हुँदा ज्यान गुमाउनेहरूप्रति गहिरो श्रद्धाञ्जली अर्पण गर्दै शोकसन्तप्त परिवारप्रति हार्दिक समवेदना व्यक्त गरिएको छ। साथै, थप हिंसात्मक घटना हुन नदिन नागरिकलाई संयमित रहन र राजनीतिक संवादमार्फत समस्या समाधान खोज्न सम्बद्ध पक्षलाई आह्वान गरिएको छ।
अपील पत्रमा हस्ताक्षर गर्ने उच्च अधिकारीहरूमा–
-
एकनारायण अर्याल, मुख्य सचिव, नेपाल सरकार
-
अशोक राज सिग्देल, प्रधान सेनापति, नेपाली सेना
-
गोकरणमणि दुवाडी, गृह सचिव, नेपाल सरकार
-
राजु अर्याल, महानिरीक्षक, सशस्त्र प्रहरी बल नेपाल
-
चन्द्रकुवेर खापुङ, महानिरीक्षक, नेपाल प्रहरी
-
हुब्बराज थापा, प्रमुख अनुसन्धान निर्देशक, राष्ट्रिय अनुसन्धान विभाग
उच्च अधिकारीहरूले जारी गरेको अपीलमा वर्तमान परिस्थितिलाई संवेदनशीलतापूर्वक सम्बोधन गर्नुपर्ने आवश्यकता औंल्याउँदै सबैलाई शान्ति, संयमता र संवादलाई प्राथमिकता दिन आग्रह गरिएको छ।
