काठमाडौ, माघ २ । रिहा भएलगत्तै रवि लामिछानेले भने, “सबै जनालाई धेरै धन्यवाद। म न्याय प्रक्रियामा सघाउन आएको थिएँ। अदालतप्रति सम्मान व्यक्त गर्न चाहन्छु। न्यायप्रेमी जनतालाई धन्यवाद दिन चाहन्छु। न्यायलयलाई विशेष धन्यवाद। यो देशमा न्याय मरेको छैन।”
आदेशमा भनिएको छ – ‘रवि लामिछाने गोर्खा मिडिया नेटवर्क प्रा.लि.का बिक्रीमा रहेको १,८०,००० सेयर खरिद गर्न अनुमति पाऊँ भनी निवेदन दिई सेयर लिएको देखिँदा निजले उक्त प्रा. लि. को सेयर खरिद गरिलिएको देखिई निज प्रतिवादी गोर्खा नेटवर्क मिडिया प्रा.लि.को सेयर होल्डर एवं प्रबन्धक निर्देशक समेत रहेको देखियो।’
लामिछानेले अदालतमा आफूले गोर्खा मिडिया नेटवर्कको सेयर खरिद नगरेको बरू स्वेट सेयर प्राप्त गरेको र राजीनामा दिई छाडेर निस्कँदा पैसा नलिई सेयर हस्तान्तरण गरेको बताएका थिए।
काठमाडौं जिल्ला अदालतले लामिछानेले गोर्खा मिडियाको सेयर होल्डर हुनुअघि नै ग्लोबल आइएमई बैंकको खातामा हस्ताक्षर चल्ने व्यवस्था रहेको आधार प्रस्तुत गरेको छ। साथै, लामिछाने प्रबन्ध निर्देशक भएको बेलामा नै स्वर्णलक्ष्मी सहकारीबाट गोर्खा मिडियामा पैसा गएको भनेको छ।
अदालतको आदेशपछि अब लामिछाने धरौटी बुझाएको अवस्थामा थुना बाहिरै बसेर मुद्दा लड्न पाउनेछन् ।
