१७ मंसिर, काठमाडौं । नेपाल मेडिकल काउन्सिलले दर्तावाला चिकित्सकहरूले विभिन्न कन्सल्टेन्सी तथा निजी संस्थाहरूका व्यापारिक प्रचार–प्रसारमा आफ्नो नाम, फोटो तथा शैक्षिक उपाधि प्रयोग गरेको पाइएपछि औपचारिक चेतावनी जारी गरेको छ।
काउन्सिलले चिकित्सकको पहिचान, पद तथा योग्यता व्यावसायिक विज्ञापनमा प्रयोग गर्नु चिकित्सकको पेशागत आचारसंहिताविपरीत हुने स्पष्ट गरेको छ। काउन्सिलले यस किसिमका गतिविधि तत्काल रोक्न सबै चिकित्सकलाई आग्रह गरेको छ।
काउन्सिलका अनुसार चिकित्सकको नाम र प्रतिष्ठालाई प्रयोग गरी कन्सल्टेन्सी तथा संस्थाहरूले ग्राहक आकर्षित गर्ने प्रवृत्ति बढ्दै गएको छ, जसले चिकित्सा पेशाको मर्यादा, निष्पक्षता र विश्वसनीयतामा प्रश्न उठ्ने खतरा पैदा हुन्छ।
काउन्सिलले नियमविपरीत क्रियाकलाप दोहोरिएमा अनुशासनात्मक कारबाही हुने चेतावनी समेत दिएको छ।
Facebook Comments Box
