काठमाडौँ । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनसहितका तीन नेतालाई प्रहरीले सिंहदरबार गेटबाट नियन्त्रणमा लिएको छ ।
राप्रपा प्रवक्ता मोहन श्रेष्ठले अध्यक्ष लिङ्देन, संसदीय दलका उपनेता बुद्धिमान तामाङ र प्रमुख सचेतक ज्ञानेन्द्र शाहीलाई प्रहरीले नियन्त्रणमा लिइएको हो ।
नयाँबानेश्वरमा २०८२ वैशाख ७ गते आइतबार राप्रपाले आयोजना गरेको प्रदर्शनमा सहभागी हुन जानुअघि सिंहरबारस्थित संसदीय दलको कार्यालयबाट लिङ्देनसहितका नेताहरूले प्रदर्शन थालेका थिए ।
चैत १५ गतेको हिंसात्मक प्रदर्शनपछि पक्राउ परेका आफ्ना नेताकार्यकर्ताको रिहाइको माग गर्दै राप्रपाले आज निषेधित क्षेत्र तोड्ने कार्यक्रम आयोजना गरेको थियो ।
नेताहरू पक्राउको विरोधमा सामूहिक गिरफ्तारी दिने घोषणा गरेका अध्यक्ष लिङ्देनसहितका नेताहरूले सिंहदरबारभित्रै पम्पलेट प्रदर्शन गरेका थिए ।
पक्राउ परेपछि संवाददातालाई प्रतिक्रिया दिँदै लिङ्देनले निरङ्कुश सरकारले यस्तै गर्ने भन्दै आफूले अचम्म नमानेको बताए । उनले भने–’निरङ्कुश सरकारले गर्ने यही काम हो । यसमा हामीले अचम्म मान्नुपर्ने कुरै छैन । हामीले यसलाई अच्चमा मानेका छैनौँ ।’
