- स्तम्भ न्युज
— खेम राज अधिकारी
४ असोज, चितवन । मुग्लिङ–नारायणघाट सडकखण्डअन्तर्गत तुईन खोलामा हिजो साँझदेखि गएको ठूलो पहिरो अझै हटाउन सकिएको छैन ।
पहिरोको माथिल्लो भागबाट लगातार ढुङ्गा खसिरहेकाले सडक खुलाउने काममा खटिएका डोजर र मजदुरलाई जोखिम भएको र काम रोकिएको सडक विभागले जनाएको छ । बारम्बार ढुङ्गा खस्ने क्रम नरोकिएपछि पहिरो पन्छाउने काम अघि बढाउन नसकिएको हो ।
सडक अवरुद्ध हुँदा मुग्लिङ–नारायणघाट हुँदै जाने सवारी साधन बीचैमा अल्झिएका छन् । लामो दूरीका यात्रुहरूलाई अन्य वैकल्पिक मार्ग प्रयोग गर्न सुझाव दिइएको छ ।
स्थानीय प्रशासनले यात्रुहरूलाई अनावश्यक जोखिम नलिन र सुरक्षित स्थानमा बस्न आग्रह गरेको छ । मौसम अनुकूल भएपछि मात्र पहिरो पूर्ण रूपमा पन्छाइ सडक सञ्चालनमा ल्याइने जनाइएको छ ।
Facebook Comments Box
