बनेपाबाट सुन-चाँदीसहित भारतीय नागरिक पक्राउ

रोसन दानी,१९ मंसिर,काभ्रे ।प्रहरीले बनेपाबाट सुन(चाँदी र नगदसहित भारतीय नागरिक पक्राउ गरेको छ । इलाका प्रहरी कार्यालय बनेपाले सुन(चाँदी र नगदसहित भारतीय नागरिक पक्राउ गरेको हो ।

इलाका प्रहरी कार्यालय बनेपा प्रमुख डिएसपी लालध्वज सुवेदीका अनुसार पक्राउ पर्नेमा भारतको महाराष्ट्र साङ्ली जिल्ला घर भएका ३९ वर्षीय सचिन बिभुते छन् ।

उनलाई प्रहरीले सोमबार साँझ बनेपा नगरपालिका(७ वकुटोलस्थित एक घरबाट पक्राउ गरेको डिएपी सुवेदीले बताए ।
उनले भने, अवैध रूपमा ठूलो परिमाणमा सुन तथा चाँदी गालेर बिक्री गरिरहेको भन्ने सूचना प्रहरीले पाएको थियो
उक्त सूचनाको आधारमा खटिएको टोलीले उनलाई पक्राउ गरेका छौं।

प्रहरीले उनको साथवाट बिल नभएको २२ लाख ६१ हजार ९०१ रुपैयाँ बराबरको २३५।९ ग्राम सुन बरामद गरेको छ । साथै २ लाख ४३ हजार २६५ रुपैयाँ बराबरको १९०१।२६ ग्राम चाँदी र स्रोत नखुलेको ५ लाख ७३ हजार १३५ रुपैयाँ र २२ हजार भारतीय रुपैयाँ पनि बरामद गरेको प्रहरीले जनाएको छ ।

प्रहरीले उनीमाथि थप अनुसन्धान गर्न राजश्व अनुसन्धान विभाग हरिहर भवन ललितपुरमा पठाएको छ।

*मिति २०८० मंसिर महिनाको १९ गते ।**