काठमाडौं । प्रभु बैंकका डेपुटी सिइओ छन् मणिराम पोखरेल । केन्द्रीय कार्यालय बबरमलमा बसेर उनै पोखरेल कमिसनको खेलमा लागेको पाइएको छ ।
टिम्बर ट्रेड लिंकको सानो कम्पनीलाई स्टक पनि नभएको, बिक्री पनि नभएको र धितो पनि कम भएको कम्पनीमार्फत कमिसन लिएर लोन दिएको खुलेको हो ।
बैंककै कर्मचारीहरुलाई समेत झुक्यानमा पारेर उनले अर्कै कम्पनी भिजिट गराएर (त्यसकै डकुमेन्ट) देखाएर लोन दिएका हुन् । उनलाई उक्त काममा सहयोग गरिरहेका छन् चितवनका एकनारायण देवकोटाले ।
डिसिओ पोखरेल र देवकोटाको मिलेमतोमा अन्य कम्पनीहरुबाट पनि कमिसनको चलखेल गरी ऋण प्रवाह गर्ने काम भइरहेको पाइएको छ । उनीहरुले ऋण प्रवाह गर्दा बढीमा ८ प्रतिशतसम्म पैसा लिने गरेका छन् ।
डिसिओ पोखरेलले बैंककै तल्लो निकायका कर्मचारीहरुलाई समेत प्रयोग गरी अपुग कागजपत्रहरुलाई सेटिङमार्फत मिलाई ऋण प्रवाह गरेको देखिन्छ । यस्ता विषयमा बैंकका सिइिओ अशोक शेरचन भने मौन बस्नुले उनको पनि भूमिका शंकास्पद देखिन्छ ।
धितो नपुगेपनि उनीहरुले आफ्नो कुुर्सीको दुरुपयोग गर्दै ऋण दिने गरेको बैंककै एक कर्मचारी बताउँछन् । ती कर्मचारी भन्छन्, ‘पोखरेल सर डिसिओ भएर आएपछि बैंक नै खतरामा परेको भन्दै चर्चा दिनदिनै हुने गरेको छ ।’
त्यस्तै केही समयअघि चितवनका एक ग्राहकसँग ५ प्रतिशत लोन रकमको पैसा बार्गेनिङ गरेको समाचारहरु मिडियामा छ्यापछ्याप्ती आएको थियो ।
यस विषयमा बुझ्न डिसिओ पोखरेललाई सम्पर्क गर्दा उनले आफू कुनैपनि कमिसनमा नलागेको भन्दै पन्छिन खोजे । पोखरेलले ऋण दिनुमा कमिसनको साथसाथै कुनै ब्रान्डलाई नै हत्याउने उद्देश्य रहेको देखिन्छ ।
स्रोत : scoopkhabar.com
