काठमाडौं । प्रधानमन्त्री केपी शर्मा ओलीले मंसिर १७ गते चीन भ्रमणमा जाने बताएका छन् ।
नेकपा एमालेले शुक्रबार काठमाडौँमा आयोजना गरेको जागरणसभामा प्रधानमन्त्री एवं नेकपा एमालेका अध्यक्ष ओलीले भने, ‘म यही १७ गतेदेखि चीन भ्रमणमा जाँदैछु।’
ओलीले आफू घुम्न जान नलागेको भन्दै आफ्नो चीन भ्रमण सफल रहने बताए।
उनले भने, ‘देशको हित र भलाईको लागि कुनै पनि देशको भ्रमण गरिन्छ। त्यसरी नै हामीले हाम्रा भ्रमणहरुलाई सफल बनाउने ढंगले प्रस्तुत गरेको छ।’
प्रधानमन्त्री ओलीले चीनसँग बीआरआई सम्झौता कार्यान्वयन गर्न चाहेपनि कांग्रेसले भने बीआरआई अन्तर्गत ऋण लिन नहुने भन्दै आएको छ ।
Facebook Comments Box
