११ असोज, काठमाडौं । दशैं नजिकिँदै जाँदा काठमाडौंबाट विभिन्न गन्तव्यतर्फ जाने यात्रुको भीड तीव्र रूपमा बढेको छ। आन्तरिक उडानतर्फ यात्रुहरूको चाप बढेसँगै विमानस्थलमा असाधारण भिडभाड देखिएको छ।
एयरलाइन्सका काउन्टरमा यात्रुहरूको लामो लाइन लागेको छ भने टिकट पाउन मुस्किल भएको यात्रुले बताएका छन्। दशैंमा घर फर्किन चाहनेहरूको संख्या धेरै बढेकाले सीट अभाव भएको एयरलाइन्स स्रोतले जनाएको छ।
यात्रुहरूले चाडपर्वको बेला उडान बढाउन सम्बन्धित निकायसँग माग गरेका छन्। तर पहाडी तथा दुर्गम गन्तव्यका लागि टिकट अझै पाउन कठिन भएको यात्रुले गुनासो गरेका छन्।
Facebook Comments Box
