टोक्योमा सम्पन्न किक बक्सिङ्ग प्रतियोगितामा जापनिज खेलाडी सिरासुलाई हराउँदै नेपाली खेलाडी अविरल घिमिरे “हिमालयन चितुवा ” विजयी भएका छन् ।
टोक्योमा सम्पन्न वल्ड म्याक्स के वान च्याम्पियनसिप किक बक्सिङ्ग प्रतियोगितामा जापानका प्रख्याद खेलाडी सिरासुलाई अविरल (हिमालयन चितुवा )ले तेस्रो राउन्डको १ मिनेट १३ सेकेन्डमा ढालेर विजय हासिल गरेका हुन्।
प्रतियोगितामा हजारौं दर्शकहरुका बिच विजयी हुँदै अविरलले नेपालको झण्डा फहराएका थिए।
उनका प्रशिक्षक बुवा देव घिमिरेले नेपाली खेलाडी हिमालयन चितुवा( अबिरल ) लाई माया गरेर हल सम्म आएर साथ सपोर्ट गर्नु हुने साथी,सवैलाई आभार तथा धन्यवाद व्यक्त गरे ।
जापानिज समुदाय माझ, नेपालीहरूको शिर ऊच्च राख्दै, नेपालको गरिमालाई खेलकुदको माध्यमवाट पनि थप ऊच्च पार्न पटक- पटक अतुलनिय योगदान दिईरहेका अविरल घिमिरे (हिमालयन चितुवा) गत अक्टोम्बर २६ तारिक नागोयामा किक बक्सिड् प्रतियोगिताको फ्रान्सका खेलाडी संगको भिडन्तमा समेत विजयी भएका थिए ।
जापानको नागोया शहरमा परिवार संगै बस्दैं आएका अविरलले थुप्प्रै अन्तराष्ट्रिय किक बक्सिङ्ग बिजयी हुँदै नेपाल र नेपालीकै पहिचान बनाई रहेका छन्।
उनले यस अघि नै हिट ५३ को उपाधि रक्षा गर्दै लगातार चौथो पटक उपाधी जितेर नयाँ किर्तिर्बान समेत बनाएका थिए।अबिरलले हालसम्म जापान, दक्षिण कोरिया, ब्राजिल, बोलिभिया, नेदरल्याण्ड, थाइल्याण्ड लगायत देशका बक्सरलाई पराजित गरिसकेका छन् ।
उनि अन्तर्राष्ट्रिय किक बक्सिङ प्रतियोगितामा नेपालको पहिचान बनाउन सफल खेलाडी हुन्।अबिरलले नियमित रूपमा भने सिमुरा डोजोमा प्रशिक्षण लिँदै आएका छन् ।
आफ्नो आमाबुबा सँग जापानको नागोया सहरमा बस्दै आएका अबिरललाई उनको मन पर्ने खेल बक्सिङमा अहिलेसम्म अधिकांश सफलता हात परिरहेको छ ।
जापानमा रहेर किक बक्सिङको व्यवसायिक खेल खेल्दै आएका बक्सर अविरलले बक्सिङ्ग हिट प्रतियोगिताका १५खेल जितिसकेका छन् ।
आफ्नो कडा मेहेनत अनि हरेक नेपालीको आर्शिवादले आफुलाई अहिले सम्म सफलता हात परेको अविरल बताउँछन् ।
