कार्तिक २९, काठमाडौँ । नेपाल आयल निगमले पेट्रोलियम पदार्थको मूल्यवृद्धि गरेको छ। शनिबार बसेको बैठकले पेट्रोल र डिजेल दुबैको खुद्रा बिक्री मूल्य समायोजन गर्ने निर्णय गरेको निगमले जनाएको छ।
नयाँ समायोजन अनुसार पेट्रोलमा प्रतिलिटर रु २ र डिजेलमा प्रतिलिटर रु ३ ले मूल्यवृद्धि गरिएको हो। यससँगै अब पेट्रोलको खुद्रा मूल्य रु १६१ प्रतिलिटर र डिजेलको खुद्रा मूल्य रु १४७ प्रतिलिटर पुगेको छ।
निगमका अनुसार नयाँ मूल्य कात्तिक ३० गते राति १ बजेदेखि लागू हुनेछ। मूल्य समायोजनको कारण रुपमा अन्तर्राष्ट्रिय बजारमा मूल्य बढ्नुलाई प्रमुख कारण बताइएको छ।
नयाँ मूल्यले उपभोक्ताको खर्चमा थप दबाब पर्ने अनुमान गरिँदै छ।
Facebook Comments Box
