काठमाडौँ २४, असोज । गत असोज ४ गते आयोजना हुने भनिएको दशैं रन विशेष परिस्थितिका कारण स्थगित भएपछि आगामी कार्तिक १ गते शनिबार “एकता र सद्भाव” को सन्देशसहित “उज्ज्वल तारा रन” आयोजना हुने भएको छ। उक्त कार्यक्रम प्रत्येक बर्ष उज्जल तारा स्कुल, सनसिटि काडाघारीले दशै अगाबै गर्दै आई रहेकोमा यस बर्ष देशको बिषम परिस्थिथीले गर्दा केही दिन ढिलो भएको आयोजक समितीले जनाएको छ ।
आयोजक समितिका अनुसार बिहानै देखि हुने यस दौडमा विद्यार्थी, अभिभावक, शिक्षक तथा स्थानीयबासी सबैलाई सहभागी हुन आह्वान गरिएको छ। “समाजमा एकता, सहकार्य र सकारात्मक ऊर्जा फैलाउने उद्देश्यले यस पटक दौडलाई विशेष रूपमा आयोजना गर्न लागिएको हो,” आयोजकले जानकारी दिएका छन्।
यसअघि रोकिएको दशैं रनको स्थानमा हुने “उज्ज्वल तारा रन” मा सबै उमेर समूहका सहभागीलाई स्वागत गरिने बताइएको छ।
Facebook Comments Box
