काठमाडौं । हिन्दुहरुको महान पर्व बडा दसैं मनाउन काठमाडौंबाट बाहिरिएकाहरु पुन: फर्किन थालेका छन् ।
विजया दशमीको टीका लगाएपछि कर्मथलो फर्किने क्रम बढेको हो ।उपत्यका अर्थात राजधानी भित्रिने मुख्य नाकामा चहलपहल बढेको छ ।
काठमाडौंमा आजदेखि चहलपहल देखिन थालेको छ । राजधानीका सडकहरुमा सवारीसाधनको चापसमेत बढेको छ ।
गएराती बाक्लो सवारीसाधन काठमाडौं उपत्यका प्रवेश गरेको उपत्यका ट्राफिक कार्यालयले जनाएको छ ।
काठमाडौंको कलङ्की होस् या कोटेश्वर वा अन्य विभिन्न नाकामा सवारी साधनको चाप बढेको छ । यात्रुको भीड पनि उत्तिकै छ ।
आज देखि ट्राफिक प्रहरीलाई सवारी साधनको भीड मिलाउन हम्मेहम्मे पर्ने देखिन्छ ।
राजधानीका पसल,व्यवसायहरु पनि खुल्न थालेका छन् ।
Facebook Comments Box
