३ माघ, काठमाडौँ । धापासी जेसीजको २१औँ वार्षिक साधारणसभा तथा २०औँ शाखा अधिवेशन आज सफलतापूर्वक सम्पन्न भएको छ । अधिवेशनबाट शाखा अध्यक्ष पदमा जेसी अर्जुन गिरी सर्वसम्मत रूपमा निर्वाचित हुनुभएको छ ।
नवनिर्वाचित अध्यक्ष गिरीसहित सम्पूर्ण कार्यसमितिलाई हार्दिक बधाई तथा सफल कार्यकालको शुभकामना व्यक्त गरिएको छ । युवाहरूको नेतृत्व विकास, सामाजिक उत्तरदायित्व र सकारात्मक परिवर्तनमा धापासी जेसीजले आगामी दिनमा अझ सशक्त भूमिका खेल्ने विश्वास व्यक्त गरिएको छ ।
अधिवेशनबाट निर्वाचित पदाधिकारीहरू यस प्रकार रहेका छन्—
• अध्यक्ष : जेसी अर्जुन गिरी
• कार्यकारिणी उपाध्यक्ष : जेसी इन्द्र कुमारी अधिकारी सुहाना
• कार्यकारिणी उपाध्यक्ष : जेसी दिवाकर सुवेदी
• उपाध्यक्ष : जेसी युवराज लम्साल
• उपाध्यक्ष : जेसी युगेश मकाजु
• उपाध्यक्ष : जेसी शुभ आचार्य
• उपाध्यक्ष : ईशा थापा मगर
कार्यक्रममा सहभागी वक्ताहरूले नवनिर्वाचित नेतृत्वलाई संस्थाको मूल्य, मान्यता र उद्देश्यअनुसार सक्रिय भूमिका निर्वाह गर्न आग्रह गरेका थिए । अधिवेशनले संगठन सुदृढीकरण तथा आगामी कार्ययोजनासम्बन्धी विभिन्न महत्त्वपूर्ण निर्णयहरू समेत गरेको जनाइएको छ ।
