१० बैशाख डोटी। डोटीमा बुधबार बिहान भएको मिनि ट्रक दुर्घटनामा चालकसहित तीन जनाको ज्यान गएको छ।
भीमदत्त राजमार्गअन्तर्गत जोरायल गाउँपालिका–१ स्थित गोल्डेनमा बिहान ६ बजेर ५ मिनेटको समयमा ट्रक दुर्घटना भएको जिल्ला प्रहरी कार्यालय डोटीले जनाएको हाे ।
धनगढीबाट बझाङतर्फ खाद्यान्न र खुद्रा सामान लिएर गइरहेको सुदूरपश्चिम प्रदेश ०१–००१ ख ३४२८ नम्बरको मिनि ट्रक अनियन्त्रित भई झण्डै ५० मिटर तल खसेको थियो।
दुर्घटनामा परी ३३ वर्षीय ट्रक चालक अर्जुन धामी, ३४ वर्षीय उज्वल जाग्री र ४० वर्षीय जगत धामी को घटनास्थलमै मृत्यु भएको हो। ती सबै बझाङ जिल्लाका बासिन्दा रहेको प्रहरीले जनाएको छ।
प्रहरीका अनुसार ट्रक तीव्र गतिमा रहेकाले अनियन्त्रित भई सडकबाट खसेको अनुमान गरिएको छ। घटनास्थलमा प्रहरीको टोली पुगेर थप अनुसन्धान गरिरहेको छ।
Facebook Comments Box
