— खेम राज अधिकारी
स्तम्भन्युज खबर
जेठ १५, काठमाडौं । सरकारले आगामी आर्थिक वर्षदेखि लागू हुने गरी मदिरा र चुरोटमा लाग्ने कर बढाएको छ।
शुक्रबार संघीय संसद्को संयुक्त बैठकमा आगामी आर्थिक वर्ष २०८३/८४ को बजेट प्रस्तुत गर्दै अर्थमन्त्री डा. स्वर्णिम वाग्लेले मदिरा, बियर र चुरोट जस्ता स्वास्थ्यका लागि हानिकारक वस्तुहरूमा अन्तःशुल्क वृद्धि गरिएको जानकारी गराउनुभएको हो।
नयाँ व्यवस्थाअनुसार सरकारले चुरोटमा करिब १० प्रतिशतसम्म कर बढाएको छ भने मदिरा र बियरमा लाग्ने अन्तःशुल्कमा पनि वृद्धि गरेको छ।
यस्तै, सरकारले आगामी आर्थिक वर्षदेखि ‘माइक्रो ब्रुअरी’ (साना घरेलु बियर उद्योग) लाई समेत मदिरा उद्योगको रूपमा दर्ता गर्ने निर्णय गरेको छ। यससँगै अब माइक्रो ब्रुअरीहरूलाई पनि कानुनी रूपमा अन्तःशुल्कको दायरामा ल्याइने अर्थमन्त्री डा. वाग्लेले घोषणा गर्नुभयो।
सरकारको यो कदमबाट राजस्व संकलनमा वृद्धि हुने र स्वास्थ्यमा प्रतिकूल असर पार्ने वस्तुहरूको उपभोगमा कमी आउने अपेक्षा गरिएको छ।
