स्तम्भन्युज खबर
काठमाडौं, जेठ ०९ । नेपाल फोटोग्राफर महासंघको आयोजना तथा काठमाण्डाै फाेटाेग्राफर संधकाे सह आयाेजनामा आज काठमाडौंमा शुभकामना आदान–प्रदान तथा भित्तेपात्रो विमोचन कार्यक्रम भव्य रूपमा सम्पन्न भएको छ।
कार्यक्रमका प्रमुख अतिथि वरिष्ठ चलचित्र छायाकार मञ्जुकुमार श्रेष्ठ हुनुहुन्थ्यो भने सभापतित्व महासंघका उपाध्यक्ष दिगम्वर राजवंशिले गर्नुभएको थियो ।
कार्यक्रमको सञ्चालन सचिव मोति बहादुर बोगटी ले गर्नुभएको थियो। स्वागत मन्तव्य केन्द्रिय सदस्य कालिका रिमालले प्रस्तुत गर्नु भएको कार्यक्रममा उपस्थित अतिथि तथा शुभेच्छुकहरू बाट संस्थागत एकता, पेशागत मर्यादा, र फोटोग्राफी क्षेत्रको विकासबारे शुभकामना मन्तव्य व्यक्त गर्नुभएकाे थियाे ।
कार्यक्रममा नेपाल फोटो पत्रकार महासंघका अध्यक्ष प्रदीप राज वन्त, काठमाडौं महानगरपालिका वडा नं. २२ का वडा अध्यक्ष चिनिकाजी महर्जन, वडा नं. २३ का वडा अध्यक्ष मचा राजा महर्जन, नेपाल स्काउट काठमाडौं महानगरपालिका प्रमुख आयुक्त रन्जनलाल श्रेष्ठ, फोटो कन्सर्न प्रा. लि. का CEO दिनेश राज अर्याल, फोटो प्रिन्ट नेपालका अध्यक्ष हरि पाण्डे, स्क्वायर ट्रेडर्सका ज्वाला मानन्धर/त्रैलोक्य मानन्धर, किपाग्राफिका अध्यक्ष सुरेश शाक्य, शिवराम ट्रेडर्सका भैरव खरेल, महासंघका सल्लाहकार श्यामबहादुर श्रेष्ठ, कानुनी सल्लाहकार, तथा मध्यपुर फोटोग्राफर एसोसिएसनका अध्यक्ष विजय मानन्धर को उपस्थिति रहेको थियो ।
कार्यक्रममा प्रमुख अतिथि मञ्जुकुमार श्रेष्ठले नेपालमा फोटोग्राफी र छायांकन पेशाको महत्वबारे चर्चा गर्दै फोटोग्राफरहरूको योगदानलाई अझ संस्थागत र पेशागत रूपमा अघि बढाउन सबै पक्षको सहकार्य आवश्यक रहेको बताउनुभयो।
सहभागी अतिथिहरूले समेत महासंघको निरन्तर गतिविधि, एकता, र पेशागत पहिचान प्रवर्द्धन गर्ने पहलको प्रशंसा गरेका थिए ।
भित्तेपात्रो विमोचनसँगै सम्पन्न उक्त कार्यक्रममा सहभागी अतिथि, सहयोगी, तथा सदस्यहरूलाई मायाको चिनो प्रदान गरिएको थियो।
कार्यक्रममा सौहार्दपूर्ण वातावरण, आपसी भेटघाट, र नयाँ वर्ष/आगामी कार्यकालका लागि शुभकामना आदान–प्रदान समेत गरिएको महासंघले जनाएको छ ।
