— रेशम राज पंडित
स्तम्भन्युज खबर
दाङ, २९ चैत्र । दाङ जिल्ला फोटोग्राफर एसोसिएसनको आयोजनामा महिला फोटोग्राफरहरूका लागि एकदिने सशक्तिकरण कार्यशाला घोराहीस्थित भिङ्रेलि भिलेज रिसोर्टमा चैत्र २८ गते शनिबार सफलतापूर्वक सम्पन्न भएको छ।
महिला व्यवसायीहरूको क्षमता अभिवृद्धि गर्ने उद्देश्यले आयोजित उक्त कार्यक्रममा महिला फोटोग्राफरहरूको उल्लेखनीय सहभागिता रहेको आयोजकले जनाएका छन्। एसोसिएसनका अध्यक्ष लक्ष्मण न्यौपानेको सभापतित्वमा सम्पन्न कार्यशालामा प्रमुख प्रशिक्षकका रूपमा यमुना बोहरा र दुर्गा प्रसाद चौधरीले प्रशिक्षण प्रदान गरे। उनीहरूले फोटोग्राफी सीप विकास, व्यावसायिक सम्भावना तथा आधुनिक प्रविधिको प्रयोगबारे सहभागीहरूलाई विस्तृत जानकारी दिए।
कार्यक्रमको संयोजनको जिम्मेवारी राम प्रसाद भुसालले सम्हालेका थिए। संस्थाको अनुसार यस्ता कार्यक्रमले महिलाहरूलाई आत्मनिर्भर बन्न र फोटोग्राफी क्षेत्रमार्फत व्यावसायिक रूपमा अघि बढ्न महत्त्वपूर्ण सहयोग पुग्ने विश्वास लिइएको छ।
कार्यशालामा सहभागी महिलाहरूले प्राप्त ज्ञान तथा सीपलाई व्यवहारमा उतार्दै आफ्ना व्यवसाय विस्तार गर्ने प्रतिबद्धता व्यक्त गरेका छन्। एसोसिएसनका अध्यक्ष लक्ष्मण न्यौपानेले आगामी दिनमा पनि यस्ता कार्यक्रमलाई निरन्तरता दिइने जानकारी दिनुभयो।
