शिक्षक आन्दोलनमा परि २० जना शिक्षक सहित तीन प्रहरीहरू घाइते

काठमाडौँ । प्रहरीसँगको झडपमा परी २० जना शिक्षक तथा विद्यालय कर्मचारी घाइते भएका छन् ।

आइतबार दिउँसो नयाँ बानेश्वर क्षेत्रमा प्रहरी र आन्दोलनरत शिक्षकहरू झडप भएको हाे ।

झडपको क्रममा २० जना शिक्षक तथा विद्यालय कर्मचारी घाइते जिल्ला प्रहरी परिसर काठमाडौंका प्रवक्ता अपिलराज बाेहाेराले बताए । घाइतेहरूको ट्रमा सेन्टर, सिभिल हस्पिट र बानेश्वरमा रहेको एभरेष्ट हस्पिटलमा उपचार भइरहेको बाेहाेराले बताए ।

प्रहरीले राखेको निषेधित क्षेत्रमा शिक्षकहरू प्रवेश गर्न खोजेपछि प्रहरीले लाठी र पानीको फोहोरा प्रहार गरेको थियो ।

आन्दोलनमा एक जना सञ्चारकर्मी प्राइम टेलिभिजनकी पत्रकार सबिना कार्की घाइते भएकी काठमाडौं प्रहरी परिसरले जनाएको छ । प्रहरी परिसरका अनुसार प्रहरी तर्फ ३ जना घाईते भएका छन् भने अन्दाजी १ लाख क्षति भएकाे प्रारम्भिक अनुमान गरिएको छ ।