- स्तम्भन्युज
— खेम राज अधिकारी
स्तम्भन्युज अनलाइन खबर
नेपालगञ्ज, असोज १७ । नेपालगञ्जका विभिन्न स्थानमा आज दुर्गा मूर्ति विसर्जनका क्रममा दुई समुदायबीच झडप भएको छ । झडपमा तीन जना प्रहरीसहित २० भन्दा बढी व्यक्ति घाइते भएको जिल्ला प्रहरी कार्यालय बाँकेका प्रमुख प्रहरी उपरीक्षक (एसपी) अंगुर जिसीले जानकारी दिएका छन् ।
एसपी जिसीका अनुसार सबै घाइतेको अवस्था सामान्य छ । उनले झडपमा कसैको ज्यान गएको भन्ने हल्ला पूर्ण रूपमा असत्य भएको स्पष्ट पारेका छन् । “ज्यान गएको भन्ने भ्रम सिर्जना गर्ने प्रयास भइरहेको छ तर कोही कसैको मृत्यु भएको छैन,” उनले भने ।
मुख्य झडप भएका तीन स्थानलाई प्रहरीले नियन्त्रणमा लिएर निगरानी बढाएको छ । हाल स्थिति नियन्त्रणमा रहेको प्रहरीले जनाएको छ ।
एसपी जिसीले सर्वसाधारणलाई हल्ला र अफवाहमा नफस्न आग्रह गर्दै शान्ति र संयमता कायम राख्न अनुरोध गरेका छन् ।
