२८ बैशाख ,काठमाडौँ । एउटै स्टेजमा ४ विजेता छानिएका छन् ।
१४औं ‘लिटिल प्रिन्स एन्ड प्रिन्सेस इन्टरनेशनल २०२५’मा सिनियर र जुनियर केटा र केटी गरेर ४ विजेता छानिएका हुन् ।
प्रतियोगीतामा जुनियर ब्वाइज एरोस कर्माचार्य, जुनियर गर्ल एरिका गुप्ताले शिर्ष उपाधि जित्दा सिनियर ब्वाईजतर्फ तासी नुर्वु शेर्पा र सिनियर गर्लमा प्रयुषा ढकाल शिर्ष विजेता बने ।
जमलस्थित राष्ट्रिय नाचघरमा शनिवार अबेर साँझ सम्पन्न प्रतियोगीतामा जुनियर ब्वाइजतर्फ विपार्थ थापा फस्ट रनर अप, रिदयम थापा सेकेन्ड रनर अप बन्दा सिनियर ब्वाईतर्फ दक्ष तनवर फस्ट रनर अप र आदी चौधरी सेकेन्ड रनर अप भए ।
त्यस्तै प्रतियोगीतामा सिनियर गर्ल तर्फ वियन्सा गुप्ता फष्ट रनर अफ, जयना थापा सेकेन्ड रनर अप, भियना पौडेल थर्ड रनर अप र देवान्सी आर एल शाह फोर्थ रनर अप चुनिदा जुनयर गर्ल तर्फ सुहानी श्रेष्ठ फष्टरनर अप, निरोसा प्रधान सेकेन्ड रनरअप, सर्हषा टंडन थर्ड रनर अप र श्रीनिती पराजुली फोर्थ रनर अफ बन्न सफल भए ।
विभिन्न तामझामसहित आयोजित कार्यक्रम बालबालिकाको प्रतिभा निखार्दै उनीहरूलाई भविष्य निर्माणमा सक्षम बनाउने उद्देश्यले आयोजना गरिएको आयोजक रेडियन्ट इभेन्ट म्यानेजमेन्ट एजेन्सीका प्रबन्ध निर्देशक, अन्तर्राष्ट्रिय मोडल तथा फेसन कोच राज फैजुले बताए । फैजु डेढ दशकदेखि गुणस्तरीय राष्ट्रिय तथा अन्तर्राष्ट्रिय सौन्दर्य प्रतियोगिता आयोजना गर्दै आएका छन् । जुनियरमा २९, सिनियरमा २३ गरेर ५२ केटाकेटी प्रतियोगीताको फाइलनमा रहेका थिए ।
नीलिमा मास्के श्रेष्ठ (संस्थापक/निर्देशक—ब्यूटिफुल माइन्ड्स प्रि स्कूल), मनिषा मुखिया (ईसीए र अंग्रेजी विभाग हेड ड्याफोडिल बोर्डिङ स्कूल), नैना चन्द ( प्राइमरी स्कुल कोअडिनेटर —काठमाडौं वर्ल्ड स्कूल) अदिता मल्ल — एसोसिएट अफिसर, डिजिटल मार्केटिङ र कन्टेन्ट क्रिएसन (एस स्कूल), आशिष थापा (चिफ अपरेसन अफिसरन —जेभियर इन्टरनेशनल स्कूल) शिरीष रत्न तुलाधर (ब्रान्डिङ र पार्टनरशिप हेड (सीजी लर्निङ), सन्तोष चापागाईं (ईसीए कोअडिनेटर —भ्याली भ्यू स्कूल), सम्झना ढकाल शर्मा (डिपार्टमेन्ट हेड सोशियल साइन्स —मिल्सबेरी स्कूल) लगायत निर्णायक प्रतियोगितामा रहेका थिए ।
७ वर्षदेखि १३ वर्षसम्मका विद्यालय अध्ययनरत बालबालिकाको सहभागिता रहेको प्रतियोगीको कोरियोग्राफी अन्तर्राष्ट्रिय फेसन कोच राज फैजु आफैंले गरेका थिए भने ड्रेस डिजाइन श्रीषा बैदारले गरेकी थिइन् ।
एडभान्स ओरल डेन्टल हस्पितल मुख्य प्रयोजक रहेको प्रतियोगीताका सबै विजेताले उपाधिको साथमा बिभिन्न नगद। गिफ्ट र अन्तर्राष्ट्रिय प्रतियोगितामा सहभागी अवसर प्राप्त गरेका छन् । प्रतियोगीतामा गिफ्टको ब्यवस्था रियल जुस, हर्लिक र डाइसुकेले प्रायोजना गरेको थियो ।
