३१ बैशाख,काठमाडौं । वाणिज्य बैंकहरुले जेठ महिनाका लागि नयाँ ब्याजदरको सूचना प्रकाशित गरेका छन्। वाणिज्य बैंकहरुको औसतमा जेठ महिनाको लागि मुद्दति निक्षेपको ब्याजदर सामान्य घटेको छ । बैशाखको तुलनामा सामान्य घटेको छ।
बैशाख महिनामा ५.९७९५ प्रतिशतविन्दु रहेको बैंकहरुको व्यक्तिगत मुद्दति निक्षेपको अधिकतम ब्याजदरको औषत, जेठ महिनामा घटेर ५.९५२ प्रतिशतविन्दुमा झरेको छ। बैशाखको तुलनामा जेठमा बैंकहरुको यस्तो ब्याजदर ०.०२७५ प्रतिशतविन्दु घटेको हो।
२० वाणिज्य बैंकहरुमध्ये १४ बैंकहरुले बैशाख महिनाकै ब्याजदरलाई निरन्तरता दिएका छन्। बाँकी ६ वटा मध्ये ३ वटा बैंकहरुले ब्याजदर घटाएका छन् भने ३ वटाले बढाएका छन्।
बैशाख महिनामा ५.९७९५ प्रतिशतविन्दु रहेको बैंकहरुको व्यक्तिगत मुद्दति निक्षेपको अधिकतम ब्याजदरको औषत, जेठ महिनामा घटेर ५.९५२ प्रतिशतविन्दुमा झरेको छ। बैशाखको तुलनामा जेठमा बैंकहरुको यस्तो ब्याजदर ०.०२७५ प्रतिशतविन्दु घटेको हो।
बैंकहरुले सार्वजनिक गरेको सूचना अनुसार ३ वटाले व्यक्तिगत मुद्दति निक्षेपको अधिकतम ब्याजदर बढाएका छन् भने ३ वटाले घटाएका छन्। बाँकी १४ वटाले भने वैशाखकै ब्याजदरलाई निरन्तरता दिँदै स्थिर राखेका छन्।
ब्याजदर बढाउनेमा नेपाल बैंक, सानिमा बैंक र एभरेष्ट बैंक छन्। जेठमा व्यक्तिगत मुद्दति निक्षेपको अधिकतम ब्याजदर नेपाल बैंकले ५.४५ प्रतिशत, सानिमा बैंकले ६.३३ प्रतिशत, एभरेष्ट बैंकले ६.६४ प्रतिशत पुर्याएका छन्। वैशाखमा व्यक्तिगत मुद्दति निक्षेपको अधिकतम ब्याजदर नेपाल बैंककोे ५.१५ प्रतिशत, सानिमा बैंकको ५.९५ प्रतिशत र एभरेष्ट बैंकको ६.६१ प्रतिशत थियो।
यसैगरी ब्याजदर घटाउनेमा कुमारी बैंक, सिद्धार्थ बैंक र नेपाल इन्भेस्टमेन्ट मेगा बैंक छन्। जेठमा व्यक्तिगत मुद्दति निक्षेपमा अधिकतम ब्याजदर कुमारी बैंकले ५.७१ प्रतिशत, सिद्धार्थ बैंकले ५.७५ प्रतिशत र नेपाल इन्भेस्टमेन्ट मेगा बैंकले ५.५ प्रतिशत कायम गरेका छन्। वैशाखमा व्यक्तिगत मुद्दति निक्षेपमा अधिकतम ब्याजदर कुमारी बैंकले ५.९२ प्रतिशत, सिद्धार्थ बैंकले ६ प्रतिशत र नेपाल इन्भेस्टमेन्ट मेगा बैंकले ६.५ प्रतिशत दिएका थिए।
जेठमा व्यक्तिगत मुद्दति निक्षेपमा सबैभन्दा बढी ब्याज दिने बैंकमा एनआईसी एसिया र एनएमबि बैंक रहेका छन्। यी दुवै बैंकले ६.६ प्रतिशत ब्याज दिने भएका छन्। यसैगरी जेठमा व्यक्तिगत मुद्दति निक्षेपमा सबैभन्दा कम ब्याज दिनेमा नेपाल बैंक रहेको छ। यो बैंकले ५.४५ प्रतिशत ब्याज दिने भएको छ।
