भक्तपुर, २०८२ असार २१ । अब भक्तपुरका बासिन्दाले उच्चस्तरीय विशेषज्ञीय स्वास्थ्य सेवा आफ्नै शहरमै पाउने भएका छन्। राजधानीमा प्रख्यात HAMS हस्पिटलको अनुभव बोकेर नागरिक कम्युनिटी टिचिङ हस्पिटल लिमिटेडले भक्तपुरको गठ्ठाघरमा आफ्नो सेवा विस्तार गरेको छ।
डा. भोला रिजाल तथा उहाँको अनुभवी टिमद्वारा सञ्चालित नागरिक अस्पतालले अन्तर्राष्ट्रिय स्तरको सुविधा, विशेषज्ञ सेवा र विश्वासिलो उपचार प्रदान गर्ने लक्ष्य लिएको छ। ‘ढुक् ढुक् होइन, अब ढुक्क हुनुहोस्’ भन्ने नारासहित अस्पतालले नागरिकको लागि गुणस्तरीय स्वास्थ्य सेवा सुलभ र सहज बनाउने प्रतिबद्धता जनाएको छ।
अस्पतालका अनुसार आकस्मिक सेवा, विशेषज्ञ परामर्श, आधुनिक उपकरणसहितको उपचार सुविधा उपलब्ध गराइनेछ। अस्पतालले स्थानीय बासिन्दालाई राजधानीसम्म धाउनु पर्ने बाध्यतालाई अन्त्य गर्ने विश्वास व्यक्त गरेको छ।
थप जानकारीको लागि इच्छुकले ०१-६६३७७०० वा ०१-६६३३७९७ मा सम्पर्क गर्न सक्नेछन् वा www.nagarikhospital.com.np मार्फत विवरण हेर्न सकिनेछ।
