-संवाददाता खेम राज अधिकारी
काठमाडौं, भदौ २४ । जेनजी आन्दोलन चर्किँदै गएसँगै मंगलबार नेकपा नेता रमेश लेखकको घरमा समेत आन्दोलनकारीले आगजनी गरेका छन्।
ललितपुरस्थित लेखकको निवासलाई लक्षित गरी पुगेका प्रदर्शनकारीहरूले ढुंगामुढा तथा तोडफोडपछि आगो लगाएका हुन्। आगलागी तीव्र भएकाले तत्काल नियन्त्रणमा लिन सुरक्षा निकायलाई मुस्किल परेको छ।
जेनजी आन्दोलनमा १९ जनाको ज्यान गएपछि उपत्यकासहित देशभर विरोध प्रदर्शन भइरहेको छ। यस क्रममा नेताहरूका निजी निवास, सरकारी कार्यालय र पार्टी भवनहरू आन्दोलनकारीको प्रमुख निशानामा परिरहेका छन्।
सुरक्षा स्रोतका अनुसार स्थानीयवासीलाई सुरक्षित स्थानमा सार्ने काम भइरहेको छ भने आगो नियन्त्रणका लागि दमकल परिचालन गरिएको छ। तर, भीड नियन्त्रण गर्न चुनौती कायम रहेको बताइएको छ।
Facebook Comments Box
