-स्तम्भ न्युज संवाददाता खेम राज अधिकारी
काठमाडौं, भदौ २४ । जेनजी आन्दोलन चर्किँदै गएसँगै मंगलबार ललितपुरको च्यासलस्थित नेकपा (एमाले) पार्टी कार्यालयमा आन्दोलनकारीले आगजनी गरेका छन्।
आन्दोलनकारीहरूको समूह दिउँसो पार्टी कार्यालयतर्फ पुगेको र नाराबाजीसँगै तोडफोड तथा आगजनी गरेको प्रत्यक्षदर्शीले बताएका छन्। आगलागीका कारण भवनको केही भागमा क्षति पुगेको छ।
हालैको आन्दोलनमा १९ जनाको मृत्यु भएपछि काठमाडौं उपत्यकासहित देशभर आक्रोश फैलिएको छ। नेताहरूको निवास, सरकारी भवन र पार्टी कार्यालयहरू आन्दोलनकारीहरूको निशानामा परिरहेका छन्।
सुरक्षा निकायले आगो नियन्त्रणमा लिन प्रयास गरेको र थप क्षति हुन नदिन प्रहरी परिचालन गरिएको जनाएको छ। तर, आन्दोलन नियन्त्रणभन्दा बाहिर जान सक्ने चिन्ता स्थानीयवासीहरूले व्यक्त गरेका छन्।
Facebook Comments Box
