- स्तम्भ न्युज
खेम राज अधिकारी
३१ भदौ, काठमाडौं । अन्तरिम सरकारको मन्त्री बन्ने सम्भावित नामको सूचीमा चर्चित नेत्रविशेषज्ञ डा. सन्दुक रुइतको नामसमेत सार्वजनिक भएपछि उनले स्पष्ट प्रतिक्रिया दिएका छन्।
डा. रुइतले आफू कुनै पनि राजनीतिक पदका लागि जाने सोच नभएको प्रस्ट पारेका छन्। उनले भने, “मेरो साधना नै अन्धोपन निवारण हो। मलाई हरेक राजनीतिक उथलपुथलपछि कुनै न कुनै पदमा बसेर नेतृत्व गरिदिन अनुरोध आउने गरेको छ। तर, म प्रस्ट छु— मेरो कर्म भनेको नेपाली र संसारभरका बिरामीको सेवामा बफ्नो सीप, ज्ञान र समय दिनु हो।”
उनका अनुसार नेपाल र नेपालीको नाम विश्वभर पुर्याउनु नै आफ्नो मुख्य ध्येय हो। “राजनीतिक पदभन्दा ठूलो जिम्मेवारी बिरामीको उपचारमा नै छ,” उनले थपे।
हाल अन्तरिम सरकार गठन प्रक्रियामा विभिन्न व्यक्तिहरूको नाम चर्चामा रहेको छ। तर, डा. रुइतले भने आफू राजनीति नभई स्वास्थ्य सेवा र अनुसन्धानमै समर्पित रहने स्पष्ट संकेत दिएका छन्।
