- स्तम्भन्युज
— खेम राज अधिकारी
४ असोज, काठमाडौं । नेपाल पञ्चाङ्ग निर्णायक विकास समितिले आगामी आइतबार पर्न लागेको सूर्यग्रहण नेपालबाट नदेखिने भएकाले यसको कुनै सुतक नलाग्ने स्पष्ट पारेको छ।
आश्विन कृष्ण औँसीका दिन (असोज ५ गते) लाग्ने सूर्यग्रहणलाई लिएर सोह्र श्राद्ध गर्ने कि नगर्ने, सुतक कति बजेदेखि लाग्छ भन्ने जस्ता प्रश्नहरू उठेका थिए। तर समितिका सदस्य एवं धर्मशास्त्रविद् प्रा.डा. देवमणि भट्टराईले नेपाली आकाशमा नदेखिने ग्रहण नेपालीहरूले बार्नु नपर्ने र यसको कुनै दोष पनि नलाग्ने जानकारी दिएका छन्।
उनका अनुसार शास्त्रीय वचनमा पनि “जहाँ ग्रहण देखिँदैन, त्यहाँ यसको दोष पर्दैन” भनिएको छ। त्यसैले नेपालमा बस्नेहरूले यसबारे चिन्ता लिनु नपर्ने समितिले स्पष्ट गरेको हो।
यो सूर्यग्रहण न्यूजिल्याण्ड, अष्ट्रेलिया, फिजी, टोङ्गा, अन्टार्टिका लगायतका मुलुकहरूबाट मात्र देखिने जनाइएको छ।
