१९ असाेज,काठमाडौं । निरन्तर अविरल वर्षाका कारण उत्पन्न हुन सक्ने सम्भावित जोखिम न्युनिकरणका लागि उपत्यका प्रहरी प्रमुख एआइजी दान बहादुर कार्कि स्वयं अग्रपंक्तिमा खटिनुभएको छ। उहाँले कन्ट्रोल रूममार्फत सम्पूर्ण परिस्थितिको नियमित निग्रानी गर्नुका साथै रातको समयमा ड्युटीमा खटिएका प्रहरीलाई प्रत्यक्ष रुपमा भेटेर मनोबल बढाउने काम गर्नुभएको छ।
साथै उहाँले फिल्डमै खटिएर आवश्यक निर्देशन दिँदै उपत्यकाको सुरक्षामा कुनै कसर नराख्ने प्रतिबद्धता जनाउनुभएको छ। सामान्यतया उच्च प्रहरी अधिकारीहरू निर्देशन मात्र दिने प्रचलन भए पनि एआइजी कार्कि भने आफैँ सिपाहीझैँ सक्रिय रुपमा अग्रपंक्तिमा उपस्थित भइरहेका छन्।
उनको यस्तो सक्रियताले सुरक्षाकर्मीहरूलाई थप प्रेरित बनाएको प्रहरी स्रोतले जनाएको छ। अविरल वर्षासँगै बढ्दो जोखिमलाई मध्यनजर गर्दै प्रहरी प्रशासनले निरन्तर सतर्कता बढाएको जनाएको छ ।
