अर्थले एकसाथ गर्‍यो ३० उपसचिव सरुवा

• स्तम्भन्युज
  

  ---

  — खेम राज अधिकारी

स्तम्भन्युज खबर

काठमाडौं, ३० कात्तिक। अर्थ मन्त्रालयले एकैपटक ३० जना उपसचिवको सरुवा गरेको छ। ३० कात्तिकमा बसेको मन्त्रालय स्तरीय निर्णय अनुसार ती उपसचिवहरू लाई विभिन्न विभाग, निकाय तथा शाखा हरूमा सरुवा गरिएको मन्त्रालयले जानकारी दिएको हो।

मन्त्रालयले सार्वजनिक गरेको विवरण अनुसार सरुवा प्रक्रियामा मन्त्रालयसँग सम्बन्धित संरचनागत आवश्यकता, कामको प्रकृति तथा प्रशासनिक व्यवस्थापनलाई आधार बनाइएको उल्लेख गरिएको छ। सरुवा भएका उपसचिवहरू लाई तोकिएका कार्यालयमा चाँडै पदभार ग्रहण गर्न निर्देशन दिइएको छ।