-
— खेम राज अधिकारी
स्तम्भन्युज खबर
चैत्र १६, काठमाडौं । अमेरिकाको Harrisonville सिटीका मेयर Mike Zaring ले काठमाडौँ स्थित कागेश्वरी मनोहरा नगर अस्पताल को अवलोकन भ्रमण गर्नुभएको छ।
भ्रमणका क्रममा नगर प्रमुख उपेन्द्र कार्की, उप–प्रमुख शान्ता थापा तथा अस्पतालका कार्यकारी निर्देशक रामप्रसाद पौडेल लगायतले मेयर जारिङलाई स्वागत गर्नुभएको थियो।
अवलोकनका क्रममा मेयर जारिङले अस्पतालका सम्पूर्ण विभागहरूको निरीक्षण गर्दै यहाँ प्रदान भइरहेको स्वास्थ्य सेवाको खुलेर प्रशंसा गर्नुभयो। उहाँले सेवा व्यवस्थापन, सरसफाइ तथा बिरामीप्रतिको व्यवहार सकारात्मक रहेको उल्लेख गर्नुभयो।
सो अवसरमा उहाँले अमेरिकाको स्वास्थ्य प्रणालीबारे पनि संक्षिप्त जानकारी गराउँदै अनुभव आदान–प्रदान गर्नुभएको थियो। यस भ्रमणले दुई नगरबीच स्वास्थ्य सेवा क्षेत्रमा सहकार्य र सम्बन्ध विस्तारमा थप टेवा पुग्ने अपेक्षा गरिएको छ।
