- स्तम्भन्युज
— खेम राज अधिकारी
स्तम्भन्युज खबर
धनकुटा, मंसिर १४ । धनकुटा बाट नेपाली कांग्रेसकी जेनजी करूणा कटुवालकाे नाम समानुपातिक तर्फ सिफारिस भएको छ । फागुन २१ गते हुने प्रतिनिधिसभा निर्वाचनका लागि कटुवालको नाम सिफारिस गरेको हो ।
कटुवाल नेविसंघ केन्द्रीय सदस्य हुन् । धनकुटा कांग्रेस जिल्ला कार्य समितिको बैठकले नवपुस्ताको प्रतिनिधिका रूपमा उनलाई समानुपातिक तर्फ उमेदवार सिफारिस गरेको हो ।
भदौ २३ र २४ को आन्दोलनपछि उनी कांग्रेस भित्र रूपान्तरण र युवाहरूको प्रतिनिधित्वको सुनिश्चितताको पक्षमा मुखरित हुँदै आएकी छन् ।
“हाम्रो पुस्ताको प्रतिनिधित्व सुनिश्चितताका लागि मेरो नाम सिफारिस गर्ने पार्टी पंक्ति प्रति आभार व्यक्त गर्दछु ।” उनले भनिन् , यसले कांग्रेस जेनजीकाे भावना समेट्छ भन्ने पुष्टि गरेको छ । अझ जिम्मेवार भएर अघि बढ्न प्रेरणा मिलेको छ । उनले थपिन ।
धनकुटाबाटै नेपाली कांग्रेसका महामन्त्री गगन थापाकाे नाम पनि प्रत्य्यक्षतर्फ सिफारिस गरिएको छ ।
