काठमाडौं । अमेरिकाको टेक्सस राज्यमा एक नेपाली छात्राको गोली हानी हत्या भएको छ ।
भोजपुर घर भएकी २१ वर्षीया मुना पाण्डेको ह्युस्टनस्थिती आफू बसेकै अपार्टमेन्टमा गोली प्रहार भएको हो ।
घटनालगत्तै पुगेको ह्युस्टन प्रहरीले उनलाई मृत फेला पारेको थियो । उनलाई धेरैवटा गोली हानिएको प्रहरीले जनाएको छ ।
नेपाली एसोसिएसन अफ ह्युस्टनका प्रथम उपाध्यक्ष द्रोण गौतमका अनुसार स्नातक अध्ययनका लागि सन् २०२१ मा अमेरिका गएकी पाण्डे ह्युस्टन कम्युनिटी कलेजमा नर्सिङ विषय पढ्थिन्।
सुरुमा साथीसँग बस्ने गरेकी पाण्डे पछि अपार्टमेन्ट लिएर एक्लै बस्न थालेकी थिइन्।
घटनाबारे प्रहरीले अनुसन्धान गरिरहेको छ ।
Facebook Comments Box
