२१ चैत, काठमाडौं ।आज बिहान काठमाडौंको वायु गुणस्तर सूचकांक (AQI) विभिन्न स्रोतहरूमा ‘अस्वस्थकर’ देखि ‘अति अस्वस्थकर’ स्तरमा देखिएको छ। बिहान ७:२५ बजे, AQI २४९ मा थियो, जुन ‘अस्वस्थकर’ स्तर हो。 तर, अन्य स्रोतहरूमा AQI २६८ देखि ३५२ सम्म देखाइएको छ, जुन ‘अति अस्वस्थकर’ वा ‘खतरनाक’ स्तर हो।
केही दिनदेखि अत्यधिक मात्रामा बढेको काठमाडौंको प्रदूषित हावा आजदेखि केही सुधान हुने अनुमान गरिएको छ ।
यस अवस्थामा, तपाईंलाई निम्न सावधानीहरू अपनाउन वातावरण विभागले भनेको छ:
- बाहिरी गतिविधिहरू, विशेष गरी शारीरिक परिश्रम आवश्यक पर्ने कार्यहरू, कम गर्नुहोस्।
- घर वा कार्यस्थलका झ्यालहरू बन्द राखी बाहिरी प्रदूषित हावा भित्र पस्न नदिनुहोस्।
- यदि बाहिर निस्कनै परेमा, N95 जस्ता प्रभावकारी मास्कहरू प्रयोग गर्नुहोस्।
- बालबालिका, वृद्धवृद्धा, र श्वासप्रश्वास सम्बन्धी समस्या भएका व्यक्तिहरू विशेष सावधानी अपनाउनुहोस्।
केही दिन यताकाठमाडौं लगातार संसारकै प्रदूषित सहर बनेको छ । बुधबार नै यहाँको प्रदूषित हावाले खतरनाकको तह पार गरेको थियो ।
आज बिहान पनि खतरनाकको तहभन्दा माथि नै छ । १५१ देखि २०० सम्मलाई अस्वस्थ, २०१ देखि ३०० सम्मलाई निकै अस्वस्थ र ३०१ भन्दा माथि मापन भए खतरनाक तह पुगेको मानिन्छ ।
आज देखि भने खतराको तहबाट एक्युआई विस्तारै घट्दै जाने आईक्यूएयरले पूर्वानुमान गरेको छ । अत्यधिक प्रदूषित रहेको भारतको नयाँ दिल्ली र मुम्बइ जस्ता सहरमा प्रदूषण घट्न थालेकोले काठमाडौंमा पनि घट्ने अनुमान गरिएको छ ।
आईक्यूएयरका अनुसार आज साझसम्म धुम्म भएको काठमाडौं खुल्ने सम्भावना छ । बिहान अत्यधिक प्रदूषित भएको हावा दिउँसो २ बजेदेखि कम हुने आईक्यूएयरको पूर्वानुमान छ ।
काठमाडौंमा प्रदूषित हावा बढेकोले वातावरण विभागले घरबाहिर ननिस्किने भनेको छ। निस्किन परेमा मास्क लगाएर सुरक्षित भएर मात्रै निस्किन अनुरोध गरेको छ । साथै, प्रदूषण बढाउने कार्य नगर्न भनेको छ ।
वातावरण प्रदूषणको यस्तो छ आजदेखि घट्दै जाने पूर्वानुमान –
