१३ पौष, दाङ । दाङ जिल्ला फोटोग्राफर एशोसिएसनको १७औँ वार्षिक साधारणसभा तथा ९औँ अधिवेशन गत शनिबार घोराही उपमहानगरपालिका–स्थित भिङ्रेली भिलेज रिसोर्टमा सम्पन्न भएको छ।
घोराही उपमहानगरपालिकाका प्रमुख नरुलाल चौधरीको प्रमुख आतिथ्यतामा तथा एशोसिएसनका अध्यक्ष दुर्गाप्रसाद चौधरीको अध्यक्षतामा कार्यक्रम सम्पन्न भएको हो। कार्यक्रमको सञ्चालन एशोसिएसनका महासचिव लक्ष्मण न्यौपानेले गर्नुभएको थियो।
अधिवेशनले लक्ष्मण न्यौपानेको अध्यक्षतामा आगामी दुई वर्षका लागि नयाँ कार्यसमिति चयन गरेको छ।
नवनिर्वाचित कार्यसमितिमा उपाध्यक्षमा डिल्लीराज पोखरेल, होमबहादुर रेग्मी र मनिराम बेलबासे चयन भएका छन्। महासचिवमा एमबहादुर आरसी, सचिवमा गरीकुमार चौधरी तथा कोषाध्यक्षमा जीवराज भट्टराई चयन भएका छन्।
यसैगरी सदस्यहरूमा अनुप चौधरी, प्रेम चौधरी, सन्तोष चौधरी, रामप्रसाद भुसाल, रोशन चौधरी, भोला चौधरी र हरिहर न्यौपाने चयन भएका छन्।
कार्यक्रममा नवनिर्वाचित सम्पूर्ण कार्यसमिति सदस्यहरूलाई हार्दिक बधाई तथा सफल कार्यकालको शुभकामना व्यक्त गरिएको थियो।
