-
— खेम राज अधिकारी
स्तम्भन्युज खबर
चैत्र १४, काठमाडौं । नेपाल कम्युनिष्ट पार्टी (एमाले) ले राजधानीको चाबहिल बाट आन्दोलन सुरु गरेको भए पनि सहभागिता भने अत्यन्त न्यून देखिएको छ।
प्राप्त जानकारी अनुसार करिब १५–२० जना कार्यकर्ता उपस्थित भई नाराबाजी सहित प्रदर्शन गरेका छन्। आन्दोलनलाई प्रारम्भिक चरणको ‘प्रतीकात्मक उपस्थिति’ का रूपमा लिइएको एमाले स्रोतले जनाएको छ।
प्रदर्शनमा सहभागीहरूले सरकार विरुद्ध नाराबाजी गर्दै विभिन्न माग अघि सारेका थिए। यद्यपि, अपेक्षित भीड नदेखिएपछि आन्दोलनको प्रभावकारिता माथि प्रश्न उठ्न थालेको छ।
ओली पक्राउ परे लगत्तै काठमाडौं जिल्ला कमिटीले बिहान ९ बजे चाबहिल चोकमा भेला हुन निर्देशन जारी गरेको थियो। एमालेका नेता–कार्यकर्ताहरूले चाबहिल चोकमा नारा जुलुसहित प्रदर्शन गरिरहेका छन्। उनीहरूले राजनीतिक प्रतिशोध अन्त्य गर्, सिंहदरबार जलाउनेलाई कारबाही गर लगायत नारा लगाएका छन्।
स्थानीय स्तरमा भने प्रदर्शनका कारण खासै प्रभाव नपरेको र यातायात तथा जनजीवन सामान्य नै रहेको देखिएको छ।
एमालेले भने यो आन्दोलनलाई आगामी दिनमा विस्तार गर्दै व्यापक बनाउने संकेत दिएको छ।
