२१ चैत,काठमाडौं ।आर के फुड प्रोडक्टले आफ्ना मःम (चिकेन, भेज, बफ) र मःम ससेजको प्रवर्द्धनसँगै सामाजिक उत्तरदायित्व कार्यक्रमलाई तीव्र बनाएको छ। कम्पनीका अध्यक्ष अशोक बुढाथोकीको नेतृत्वमा काठमाडौंका विभिन्न विद्यालयका प्रधानअध्यापकहरूसँग अन्तरक्रिया गर्दै “प्लेट फर प्लानेट” अभियान अघि बढाइएको हो।
कार्यक्रममा वातावरण संरक्षण, स्वस्थ आहार र बालबालिकामा चेतना अभिवृद्धिबारे छलफल गरिएको थियो। कम्पनीले मःम बिक्रीबाट प्राप्त आम्दानीको एक हिस्सा वातावरणीय तथा सामाजिक कार्यक्रमहरूमा लगानी गर्ने जनाएको छ।
यसअन्तर्गत विद्यालयहरूमा “ग्लोबल वार्मिङ” विषयक चित्रकला प्रतियोगिता सञ्चालन गरिने योजना छ। कार्यक्रममा सहभागीहरूले यस्तो पहलले विद्यार्थीमा सिर्जनशीलता र वातावरणप्रति जिम्मेवारी बढाउने बताएका छन्।
कम्पनीले गुणस्तरीय र स्वच्छ खाद्य उत्पादनसँगै “यो–यो ब्राण्ड” का मःम ससेज र ससलाई पनि बजारमा विस्तार गर्दै आएको जनाएको छ। साथै, यस्ता कार्यक्रम देशभर विस्तार गर्ने लक्ष्य लिएको छ।
