काठमाडौं । नेपाली कांग्रेसको भातृसंस्था नेपाल किसान महासंघ काठमाडौंको चौथो जिल्ला अधिवेशन सम्पन्न भएको छ। अधिवेशनबाट चन्द्रागिरि नगरपालिका-१२ बलम्बुका अमृतमान महर्जन अध्यक्षमा सर्वसम्मत निर्वाचित भएका छन्।
११ सदस्यीय नयाँ कार्यसमिति पनि सर्वसम्मत चयन गरिएको छ। अधिवेशनमा काठमाडौंका १० निर्वाचन क्षेत्र तथा नगरपालिका र महानगरबाट निर्वाचित अध्यक्षहरूलाई नेपाली कांग्रेस काठमाडौं जिल्ला सभापति कृष्ण सबुज बानिया, क्षेत्र नं. ९ का सभापति जयकृष्ण महर्जन, र नेपाल किसान महासंघका केन्द्रीय अध्यक्ष गणेशचन्द्र तिमिल्सिनाले सम्मान गरेका थिए।
अध्यक्षमा निर्वाचित भएपछि अमृतमान महर्जनको प्रतिबद्धता
काठमाडौं । नेपाल किसान महासंघ काठमाडौंको अध्यक्षमा निर्वाचित भएपछि अमृतमान महर्जनले किसानहरूको हकहितका लागि आफू पूर्ण रूपमा समर्पित रहने बताएका छन्।
उनले निर्वाचनपछि संक्षिप्त प्रतिक्रिया दिँदै भने, “किसानहरूको जीवनस्तर उकास्न र उनीहरूको समस्याको स्थायी समाधान गर्न महासंघ अझै प्रभावकारी ढंगले अगाडि बढ्नेछ। कृषि नीति सुधार, आधुनिक प्रविधिको प्रवर्द्धन, तथा सरकारी सहयोग सुनिश्चित गर्न म आफ्नो नेतृत्वमा सबै किसान साथीहरूलाई एकजुट गराउनेछु।”**
महर्जनले किसान महासंघलाई थप सशक्त बनाउने, कृषि क्षेत्रमा नवाचार ल्याउने र किसानका हकहित सुनिश्चित गर्न नीति निर्माण तहसम्म प्रभावकारी आवाज उठाउने प्रतिबद्धता जनाएका छन्।
