काठमाडौं, भदौ २७ । राष्ट्रपति रामचन्द्र पौडेलले जेन–जी प्रतिनिधिसहित विभिन्न सरोकारवालासँग परामर्शपछि संसद विघटन गर्ने निर्णय गरेका छन्। संसद विघटनसँगै आजै पूर्वप्रधानन्यायाधीश सुशीला कार्कीलाई अन्तरिम सरकारको प्रमुखमा नियुक्त गरिएको छ।
राष्ट्रपति कार्यालयले जारी गरेको विज्ञप्तिअनुसार लोकतान्त्रिक अभ्यासलाई नयाँ चरणमा लैजाने उद्देश्यका साथ सबै पक्षसँग व्यापक छलफल गरेपछि अन्तरिम सरकार गठन गर्ने सहमति जुटेको हो।
पूर्वप्रधानन्यायाधीश कार्कीको नेतृत्वमा बनेको अन्तरिम सरकारले आगामी निर्वाचनसम्म देशलाई सञ्चालन गर्ने जिम्मेवारी पाउनेछ। यस सरकारलाई राजनीतिक दलहरू, नागरिक समाज, आन्दोलनकारी पक्ष र युवापुस्ताको समेत विश्वास जितेर संक्रमणकाल पार गर्ने चुनौती रहेको छ।
सरोकारवालाहरूले यो कदमलाई राजनीतिक सहमतिको आधारमा अघि बढाइएको भन्दै आशा व्यक्त गरेका छन् कि अन्तरिम सरकारले स्थिरता, शान्ति र सहमति कायम गर्दै मुलुकलाई नयाँ निर्वाचन तर्फ डो-याउनेछ।
