- स्तम्भन्युज
— खेम राज अधिकारी
स्तम्भन्युज खबर
१९ फागुन,काठमाडौँ । देशका तराई र पहाडी जिल्लाहरूमा फागु पूर्णिमा अर्थात् होली पर्व हर्षोल्लासका साथ मनाइँयो । पर्वको अवसरमा सरकारले पहाडी तथा हिमाली जिल्लामा सार्वजनिक बिदा दिएको थियो ।
रंगहरूको पर्वका रूपमा चिनिने होली बिहानैदेखि काठमाडौँ उपत्यकासहित विभिन्न पहाडी जिल्लामा रङ, अबिर र पानी छ्याप्दै मनाउन थालिएको थियो । युवायुवती, बालबालिका तथा सर्वसाधारण सडक तथा चोकहरूमा भेला भई एकअर्कालाई रङ लगाएर शुभकामना आदानप्रदान गरिरहेका थियो ।
फागु पूर्णिमा धार्मिक तथा सांस्कृतिक रूपमा विशेष महत्व बोकेको पर्व हो। असत्यमाथि सत्यको विजय तथा आपसी सद्भाव, मित्रता र भाइचाराको सन्देश दिने पर्वका रूपमा यसलाई मनाउने गरिन्छ।
पर्वलाई लक्षित गर्दै सुरक्षा व्यवस्था कडा पारिएको थियो । ट्राफिक व्यवस्थापन, मादक पदार्थ सेवन गरी सवारी चलाउने गतिविधि नियन्त्रण तथा सम्भावित अवाञ्छित घटनाबाट बच्न प्रहरी परिचालन बढाइएको थियो ।
तराई तथा मधेशका जिल्लाहरूमा भने होली १९ गते मनाइने परम्परा अनुसार त्यहाँ सार्वजनिक बिदा दिइएको थियो ।
प्रहरी प्रशासनले होली पर्वको नाममा उश्रृङ्खल क्रियाकलाप नगर्न, जथाभाबि रंग र अबिर नदल्न सबैलाई सचेत गराएको थियो । अन्यथा कानुन अनुसार कारबाही गर्ने चेतावनी समेत दिइएको थियो ।
