— खेम राज अधिकारी
स्तम्भन्युज खबर
२३ श्रावण, काठमाडौँ । नवयुवा आन्दोलनका क्रममा क्षतिग्रस्त भएको प्रहरी प्रभाग काँडाघारीको पुनर्निर्मित भवन एक विशेष समारोहबीच उद्घाटन तथा हस्तान्तरण गरिएको छ। प्रहरी महानिरीक्षक (आईजीपी) दान बहादुर कार्कीको प्रमुख आतिथ्यतामा आयोजित एक कार्यक्रमका बीच उक्त भवन प्रहरीलाई औपचारिक रूपमा हस्तान्तरण गरिएको हो।
प्रहरी महानिरीक्षक (आईजीपी) दान बहादुर कार्कीको प्रमुख आतिथ्यतामा भवन उद्घाटन कार्यक्रम सम्पन्न भयो।
यसअघि नवयुवा आन्दोलनका क्रममा आगजनीबाट प्रभागको भवन पूर्ण रूपमा क्षतिग्रस्त बनेको थियो।
स्थानिय सरकार, टोल सुधार समिति, स्थानीयवासी तथा विभिन्न संघ–संस्थाको संयुक्त प्रयास र सहयोगमा भवनको पुनर्निर्माण कार्य सम्पन्न गरिएको हो।
भवन निर्माणमा आर्थिक, भौतिक र नैतिक रूपमा योगदान पुर्याउने स्थानीय जनप्रतिनिधि, विभिन्न संघ–संस्थाका पदाधिकारी तथा सहयोगी महानुभावहरूलाई आईजीपी कार्कीद्वारा कदरपत्र सहित सम्मानित गरियो।
सहकार्यबाट सम्भव भएको पुनर्निर्माण प्रहरी प्रभाग काँडाघारीको भवन पुनर्निर्माण हुनु केवल एउटा भौतिक संरचना तयार हुनु मात्र नभई स्थानीय सरकार, समुदाय, प्रहरी र सामाजिक संघ–संस्थाबीचको आपसी सहकार्य र जिम्मेवारीबोधको उत्कृष्ट नमुना बनेको छ। कठिन परिस्थितिको समेत सामना गर्दै सार्वजनिक संरचनाको पुनर्निर्माणमा स्थानीय बासिन्दा र संघ–संस्थाले देखाएको सक्रियता र हातेमालो निकै सराहनीय रहेको कार्यक्रममा वक्ताहरूले बताएका थिए।
सार्वजनिक सम्पत्ति राज्यको मात्र नभई हामी सबैको साझा जिम्मेवारी हो। स्थानीय सरकारको दायित्व विकास निर्माणसँगै नागरिकको सुरक्षा, शान्ति र सुव्यवस्था कायम गर्न आवश्यक सबै पक्षसँग सहकार्य गर्नु पनि हो।”
कार्यक्रममा बोल्दै यस किसिमका सहकार्यले प्रहरी र समुदायबीचको सम्बन्धलाई अझ मजबुत बनाउने विश्वास व्यक्त गरियो। काँडाघारी प्रहरी प्रभागको यो पुनर्निर्माण कार्यले यस क्षेत्रमा शान्ति सुरक्षा कायम राख्दै सुरक्षित, व्यवस्थित र जिम्मेवार समाज निर्माण गर्न थप ऊर्जा प्रदान गर्नेछ।
“सहकार्य गरौँ, सार्वजनिक सम्पत्तिको संरक्षण गरौँ र सुरक्षित समाज निर्माणमा सबैले आफ्नो भूमिका निभाऔँ” भन्ने मुख्य सन्देशसहित कार्यक्रम सम्पन्न भएको थियो।
