भद्रपुर, १८ बैशाख । झापाको भद्रपुर नगरपालिका–२ स्थित बनियानी–भद्रपुर सडकखण्डमा मंगलबार साँझ सवारी दुर्घटना हुँदा एक जनाको ज्यान गएको छ। साँझ करिब ७ः३० बजे हिमाली टोलबाट भद्रपुरतर्फ आउँदै गरेको बीआर ३७ भी २१२७ नम्बरको मोटरसाइकललाई सोही दिशातर्फ आइरहेको मे १ च ५४४७ नम्बरको पिकअपले पश्चिमतर्फ मोडिँदै गर्दा ठक्कर दिएको हो।
दुर्घटनामा मोटरसाइकल चालक भद्रपुर–१ निवासी ३५ वर्षीय दिलिप राजवंशी गम्भीर घाइते भएका थिए। उनलाई तत्काल उपचारका लागि ओमसाई पाथीभरा अस्पताल भद्रपुर पुर्याइएको थियो, तर राति ८ः५ बजे चिकित्सकले उनलाई मृत घोषणा गरेका हुन्।
पिकअप चालक भद्रपुर–३ निवासी ४४ वर्षीय पंकज सुवेदीलाई जिल्ला प्रहरी कार्यालयले नियन्त्रणमा लिएको छ। दुवै सवारी साधन पनि प्रहरीले नियन्त्रणमा लिएको जनाएको छ।
Facebook Comments Box
